ڈی جی رینجرز سندھ میجر جنرل محمد شمریز نے کہا ہے کہ معرکہ حق میں کامیابی پوری قوم کی فتح ہے ۔سندھ رینجرز سرحدوں کے دفاع اور امن قائم رکھنے کیلئے ہمہ وقت کوشاں ہیں۔ ڈی جی رینجرز سندھ نے جامع الرشید احسن آباد کراچی کا دورہ کیا۔دارالعلوم کے سربراہ مفتی عبدالرحیم اور انتظامیہ نے ڈی جی رینجرز سندھ کا پرتپاک استقبال کیا اور انہیں جامع الرشید کے مختلف شعبہ جات کا دورہ کرایا۔طلبا سے خطاب کے دوران ڈی جی رینجرز(سندھ) میجر جنرل محمد شمریز نے کہا کہ پاکستان ایک اسلامی نظریاتی مملکت ہے جس کیلئے ہمارے ابا اجداد نے قربانیاں دیں۔ قومی سلامتی کا تقاضہ ہے کہ ادارے اور افراد اجتماعی سوچ کے ساتھ ملک کو مضبوط بنائیں۔ڈی جی رینجرز سندھ نے کہا کہ جامع الرشید دینی و دنیاوی تعلیم یکجا کرکے اہم قومی خدمات انجام دے رہا ہے۔ ایسے ادارے قومی ضرورت اور دوسروں کے لئیمشعل راہ ہیں۔ڈی جی رینجرز سندھ نے کہا کہ معرکہ حق میں کامیابی پوری قوم کی فتح ہے۔ سندھ رینجرز سرحدوں کے دفاع اور امن قائم رکھنے کیلئے ہمہ وقت کوشاں ہیں۔مفتی عبدالرحیم، جامعہ کی انتظامیہ اور طلبا نے افواج پاکستان کو معرکہ حق میں کامیابی پر خراج تحسین پیش کیا۔ مفتی عبدالرحیم نے کراچی میں امن و امان کے قیام میں سندھ رینجرز کے کردار کو سراہا۔

کریڈٹ: انڈیپنڈنٹ نیوز پاکستان-آئی این پی