محکمہ داخلہ پنجاب نے صوبہ میں اسلحہ لائسنس، اسلحہ فروخت و مرمت کرنے کے عمل میں شفافیت کیلئے اہم اقدام اٹھایا ہے۔ ترجمان محکمہ داخلہ کے مطابق محکمہ داخلہ پنجاب نے اسلحہ لائسنس برانچ کا تمام عملہ تبدیل کر دیا اور پنجاب بھر کے ڈپٹی کمشنرز کو بھی اسلحہ برانچ کا تمام عملہ تبدیل کرنے کی ہدایت کی ہے۔محکمہ داخلہ پنجاب نیفیصل آباد سمیت صوبہ بھر کے ڈپٹی کمشنرز کو اس حوالے سے مراسلہ جاری کر دیا ہیترجمان محکمہ داخلہ پنجاب نے بتایا کہ میرٹ کی بالادستی اور عوامی شکایات کے ازالے کیلئے اسلحہ برانچ کا تمام عملہ تبدیل کرنے کی ہدایت کی گئی ہے۔ انہوں نے بتایا کہ محکمہ داخلہ نے یہ اقدام اسلحہ برانچ کی کارکردگی اور احتساب کا عمل بہتر بنانے کیلئے اٹھایا۔محکمہ داخلہ پنجاب کے جاری کردہ مراسلے میں ہدایت کی گئی ہے کہ تمام اضلاع کی اسلحہ برانچز میں ایک سال مکمل کرنے والے افسران و عملے کوفوری طور پر تبدیل کیا جائے۔ محکمہ داخلہ پنجاب نے ہدایت کی ہے کہ اسلحہ برانچ میں تعینات افسران و عملے کی تبدیلی ہر سال یقینی بنائی جائے اور ابتدائی طور پر تمام عملہ تبدیل کر کے ایک ہفتے میں محکمہ داخلہ کو رپورٹ بھجوائی جائے۔

کریڈٹ : انڈیپنڈنٹ نیوز پاکستان-آئی این پی