میرپور ماتھیلو میں مال بردار ٹرین کا انجن اور 5 بوگیاں پٹری سے اتر گئیں۔ریلوے حکام کے مطابق حادثہ میرپورماتھیلو ریلوے سٹیشن سے کچھ فاصلے پر پیش آیا جہاں مال بردار ٹرین کا انجن اور 5 بوگیاں پٹری سے اتر گئیں، حادثے کے مقام سے ریلوے ٹریک اکھڑ گیا اور بوگیاں الگ ہوگئیں۔حکام کا کہنا ہے کہ حادثے کے باعث اپ اور ڈائون ٹریک بند ہوگیا، مسافر گاڑیوں کو مختلف سٹیشنوں پر روک دیا گیا۔ بعدازاں مرمت کے بعد میرپور ماتھیلو ریلوے سٹیشن کے قریب متاثرہ ٹریک کو بحال کر دیا گیا، ریلوے حکام کا کہنا ہے کہ ٹریک کی بحالی کے بعد اپ اور ڈائون ٹریک پر ٹرینوں کی آمدورفت جاری ہے، ٹریک بحال ہوتے ہی مختلف سٹیشنوں پر رکی ہوئی مسافر ٹرینیں اپنی منزل کی جانب روانہ ہوگئیں۔

کریڈٹ: انڈیپنڈنٹ نیوز پاکستان-آئی این پی