ڈاکٹر نے کہا ہے تشدد کا شکار ملازمہ رضوانہ کی تمام رپورٹس مثبت آگئی ہیں۔ جنرل ہسپتال میں تشدد کا شکار گھریلو ملازمہ کا علاج 12ویں روز جاری ہے، اس حوالے سے پرنسپل پی جی ایم آئی پروفیسر الفرید ظفر کا کہنا ہے کہ بچی کی حالت میں مزید بہتری آرہی ہے۔ ان کا کہنا تھا کہ بچی کو اب آکسیجن فری قرار دے دیا گیا ہے جب کہ رضوانہ کی تمام رپورٹس بھی مثبت ہیں، انہیں آج کسی بھی وارڈ یا پرائیوٹ روم میں شفٹ کیا جا سکتا ہے اور آئندہ ہفتے ان کے بازوں کی سرجری کی جائے گی۔

کریڈٹ: انڈیپنڈنٹ نیوز پاکستان-آئی این پی