مشترکہ کثیرالجہتی سپیشل فورسز کی5ویں مشق فجر الشرق کی اختتامی تقریب نیشنل کانٹر ٹیررازم سنٹر پبی میں منعقد ہوئی،مشق میں پاکستان، بحرین، عراق اورکویت کی سپیشل فورسز کے دستوں نے حصہ لیا۔ پاک فوج کے شعبہ تعلقات عامہ( آئی ایس پی آر) کے مطابق دو ہفتے طویل مشق کا آغاز 27 نومبر 2023 کو نیشنل کانٹر ٹیررازم سنٹر پبی ہوا،انسپکٹر جنرل ٹریننگ اینڈ ایویلیوایشن (IGT&E) نے ڈائریکٹر جنرل ملٹری ٹریننگ کے ساتھ بطور مہمان خصوصی اختتامی تقریب میں شرکت کی۔ ترجمان پاک فوج کے مطابق مشق میں شریک فوجیوں کے علاوہ برادر ممالک بحرین، عراق اور کویت کے افسران نے بھی اختتامی تقریب میں شرکت کی،شرکا دوست ممالک کی سپیشل فورسز نے مشق کے دوران اپنی پیشہ وارانہ مہارت کا مظاہرہ کیا۔ مشق کا مقصد برادر ممالک کے درمیان تاریخی فوجی تعلقات کو مزید تقویت دینا اور انسداد دہشت گردی کے خلاف مشترکہ کوششوں کو فروغ دینے کے علاوہ مستقبل میں فوجی تعاون کے لیے باہمی دلچسپی کے شعبوں کی نشاندہی بھی کرنا تھا۔

کریڈٹ: انڈیپنڈنٹ نیوز پاکستان-آئی این پی