6 ستمبر 1965 کو دشمن کے دانت کھٹے کرنے پر ملک بھر میں 58 واں یوم دفاع یوم دفاع پاکستان ملی جوش وجذبے کے ساتھ منایا گیا ،6 ستمبر1965 کو پاک فوج کے بہادر جوانوں نے مکار دشمن کی تمام تر چالوں کو ناکام بنایا تھا۔ بدھ کو یوم دفاع پاکستان ملی جوش وجذبے کے ساتھ منایا گیا ، دن کے آغاز پر نمازفجر کے بعد مساجد میں ملکی ترقی اور خوشحالی کے لئے خصوصی دعائیں اور مادر وطن کے دفاع میں جانوں کا نذرانہ پیش کرنے والے شہدا کیلئے فاتحہ اور قرآن خوانی کی گئی۔ نیول ہیڈکوارٹرز اسلام آباد میں یادگار شہدا پر یوم دفاع کی تقریب کا انعقاد کیا گیا ، چیف آف اسٹاف وائس ایڈمرل نوید اشرف تقریب کی بطورمہمان خصوصی تھے۔ چیف آف اسٹاف وائس ایڈمرل نوید اشرف نے یادگارشہدا پرپھول چڑھائے اورفاتحہ خوانی کی۔ 6 ستمبر 1965 میں پاک فوج کے بہادر جوانوں نے مکار دشمن کی تمام تر چالوں کو ناکام بنایا تھا، بزدل دشمنوں کو ارض پاک کی طرف میلی آنکھ سے دیکھنے پر سبق سکھایا۔ شجاعت، ایثار اور بہادری کی لازوال داستان رقم کرنے والوں کو قوم آج سلام پیش کرتی ہے ۔

کریڈٹ: انڈیپنڈنٹ نیوز پاکستان-آئی این پی