ملک بھر میں پاسپورٹ ڈیلیوری کائونٹرز ہر ہفتے کے روز کھلے رکھنے کا اعلان کیا گیا ہے۔ محکمہ پاسپورٹس کے اعلامیے کے مطابق پاسپورٹ ڈیلیوری کائونٹرز ہفتے کو صبح 8 بجے سے شام 4 بجے تک کھلے رہیں گے جبکہ ہفتہ وار پاسپورٹ ڈیلیوری کی سہولت2 ماہ تک جاری رہے گی۔اعلامیہ میں مزید بتایا گیا ہے کہ شہری ہفتے کے روز بھی اپنے تیار پاسپورٹس وصول کرسکیں گے جب کہ 6 ماہ سے زائد عرصے تک وصول نہ کیے گئے پاسپورٹس حکومتی پالیسی کے مطابق تلف کیے جائیں گے۔

کریڈٹ: انڈیپنڈنٹ نیوز پاکستان-آئی این پی