ملک کے مختلف شہروں میں فضائی آلودگی برقرار رہی۔لاہور دنیا کے آلودہ شہروں میں دوسرے نمبر پررہا، ایئر کوالٹی انڈیکس398 تک پہنچ گیا، فیصل آباد میں اے کیو آئی 542، گوجرانوالہ 398، راولپنڈی 352 اور پشاور میں 325 ریکارڈ کیا گیا۔خیبرپختونخوا، سندھ اور پنجاب کے مختلف شہروں میں دھند کی شدت میں اضافہ ہوا، موٹروے ایم ون پشاور سے رشکئی تک بند کردی گئی، موٹر وے ایم2 پر لاہور سے ہرن مینار تک ٹریفک کا داخلہ بند کیا گیا۔موٹر وے ایم 4 شیر شاہ انٹرچینج سے شام کوٹ انٹرچینج تک بھی بند کی گئی، موٹر وے ایم5 پر ملتان سے ظاہر پیر تک ٹریفک کا داخلہ ممنوع قرار دے دیا گیا

موٹر وے پولیس نے شہریوں کو غیر ضروری سفر سے گریز کی ہدایت کردی۔دوسری جانب محکمہ موسمیات نے کراچی میں 15 دسمبر سے سردی کی شدت میں اضافے کی پیشگوئی کردی۔محکمہ موسمیات کے مطابق آئندہ 24گھنٹوں میں بھرموسم خشک اور رات میں سرد رہنے کاامکان ہے تاہم 15 دسمبر سے سردی کی شدت میں اضافہ متوقع ہے۔ شمال مشرقی ہوائیں 9 کلومیٹر فی گھنٹا کی رفتار سے چل رہی ہیں۔ہوا میں نمی کا تناسب 93 فیصد ہے ، ہوا میں نمی کا تناسب زیادہ ہونے کے باعث فضا میں ہلکی دھند چھائی ہوئی ہے ۔

کریڈٹ: انڈیپنڈنٹ نیوز پاکستان-آئی این پی