اسلام آباد ، راولپنڈی سمیت ملک کے مختلف شہروں میں زلزلے کے جھٹکے محسوس کیے گئے ،جس سے لوگوں میں خوف وہراس پھیل گیا ۔زلزلہ پیما مرکز کے مطابق زلزلے کی شدت 5.8 اور گہرائی 159 کلومیٹرریکارڈ کی گئی۔ زلزلے کا مرکز تاجکستان اور سنکیانگ کا سرحدی علاقہ تھا۔ رات گئے زلزلے کے جھٹکے سوات، شانگلہ، بونیر میں بھی محسوس کئے گئے جبکہ وادی نیلم سمیت آزاد کشمیر کے مختلف علاقوں میں بھی زلز لے کے جھٹکے محسوس کئے گئے جس کے بعد شہری خوفزدہ ہوکر گھروں سے باہر نکل آئے۔ تاہم زلزلے سے کسی نقصان کی اطلاع نہیں ملی۔

کریڈٹ: انڈیپنڈنٹ نیوز پاکستان-آئی این پی