ملک میں عام انتخابات کے حوالے سے بے یقینی کی صورتحال برقرارہے نگران حکومت عوام کے مسائل حل کرنے میں مکمل ناکام ہوچکی ہیں پٹرول کی قیمتوں میں کمی کے باوجودمہنگائی میں کمی نہیں آئی بجلی کے بعدگیس کی قیمتوں میں ہوشربااضافہ کردیاگیاہے ملک کی داخلی سیکورٹی کی صورتحال بھی دن بدن خراب ہورہی ہے چیف الیکشن کمیشن اورعدلیہ انتخابات کے حوالے سے غیریقینی صورتحال کاخاتمہ کریں ۔جمعیت علما اہل حدیث کے چیئرمین قاضی عبدالقدیرخاموش دیگررہنمائوںحاجی عبدالغفارسلفی،علامہ عبدالخالق فریدی،،ثنا اللہ ڈار،ابوبکرقدوسی ،حاجی محمدایوب ،،حافظ عبدالباسط ودیگرنے اپنے مشترکہ بیان میں کہاہے کہ ملک میں عام انتخابات کے حوالے سے سیاسی جماعتیں اورعوام بے یقینی کی صورتحال کاشکارہیں اگرچہ الیکشن کمیشن کی طرف سے آٹھ فروری کوعام انتخابات کااعلان کیاگیاہے مگرابھی تک الیکشن شیڈول جاری نہیں کیاگیا ہے اس کے ساتھ ساتھ ہرسیاسی جماعت لیول پلینگ فیلڈکامطالبہ کررہی ہے الیکشن کمیشن کے اقدامات سست روی کاشکارہیں سیاسی آزادیوں کاگلاگھونٹاجارہاہے ہرطرف افراتفری اورغیریقینی ہے ایسے میں دہشت گرددندناتے پھررہے ہیں سیکورٹی اداروں اورعوام کونشانہ بنایاجارہاہے نگران حکمران موج مستیوں میں مصروف ہیں ایسے حالات میں یہ ضروری ہے کہ آئین کی بالادستی ،قانون کی حکمرانی ،معاشی استحکام ،ترقی وخوشحالی کے لیے فوری طورپرالیکشن کرواکراقتدارنئی منتخب حکومت کے حوالے کیاجائے اورصاف وشفاف انتخابات یقینی بنائے جائیں

انہوں نے مزیدکہاکہ ووٹرزکوآزادنہ طریقے سے اپنے ممبران منتخب کرنے کاحق دیاجائے تمام سیاسی جماعتوں کوالیکشن میں حصہ لینے کے یکساں مواقع فراہم کیے جائیں الیکشن کمیشن مکمل طورپرغیرجانب داری کاثبوت دے ،ایساضابطہ اخلاق مرتب کیاجائے کہ کسی سیاسی جماعت کوشکایت نہ ملے ہرالیکشن کی طرح اب کی باربھی انتخابات پردھاندلی کاٹھپہ ملک کے لیے خطرناک ہوگا ۔انہوں نے مزیدکہاکہ ملک میں تیزی سے بڑھتی ہوئی مہنگائی نے عوام کاجینادوبھرکردیاہے پہلے بجلی کے بلوں کی وجہ سے عوام پریشان تھے اب گیس کے بل ان پربم بن کرگررہے ہیں غریب لوگ دووقت کی روٹی کے لیے مارے مارے پھررہے ہیں ،ملک میں عملاآئی ایم ایف کی حکومت ہے آئی ایم ایف کی ایماء پرپاکستانی عوام کوکچلاجارہاہے حکمران صرف عیاشیاں کررہے ہیں اورپروٹوکول انجوائے کررہے ہیں پٹرول کی قیمتوں میں کمی کے باوجود مہنگائی کاکم نہ ہونااس حکومت کی ناکامی کامنہ بولتاثبوت ہے ،ہرشہراورہرمحلے میں مہنگائی مافیازہیں جوعوام کودونوں ہاتھوں سے لوٹ رہے ہیں کوئی انہیں پوچھنے والانہیں ہے مقامی انتظامیہ غائب ہے پولیس چوروں کی محافظ بن چکی ہے ایسے حالات میں عوام ایک غیریقینی اورخوف کی زندگی گزارنے پرمجبورہیں مقتدرحلقے اورعدلیہ اس صورتحال سے عوام کونکال سکتے ہیں ۔

کریڈٹ: انڈیپنڈنٹ نیوز پاکستان-آئی این پی