ملتان اور بہاولپور میں ٹریفک کے دو مختلف حادثات کے نتیجے میں 3 افراد جاں بحق جبکہ 3 شدید زخمی ہو گئے ۔ تفصیلات کے مطابق ٹریفک کا افسوسناک حادثہ بہاولپور کے علاقے یزمان روڈ پر پیش آیا جہاں تیز رفتاری کی باعث ٹرالر آگے جانے والی ٹریکٹر ٹرالی سے ٹکرا گیا، حادثے کے نتیجے میں 2 افراد موقع پر دم توڑ گئے جبکہ 2 شدید زخمی ہوئے ہیں۔ حادثے کی اطلاع ملنے کے بعد ریسکیو ٹیم موقع پر پہنچ گئی، لاشوں اور زخمی ہونے والے افراد کو قریبی ہسپتال منتقل کر دیا جہاں زخمیوں کو طبی امداد دی جا رہی ہے، پولیس نے جائے وقوعہ کا جائزہ لینے کے بعد حادثے کی تحقیقات شروع کر دیں۔ دوسری جانب ملتان کے علاقے شیر شاہ ٹول پلازہ مظفر گڑھ روڈ پر تیز رفتار کار نے موٹر سائیکل کو ٹکر مار دی، حادثے میں ایک شخص جاں بحق اور ایک شدید زخمی ہو گیا، ریسکیو ٹیم نے لاش اور زخمی کو ہسپتال منتقل کر دیا۔

کریڈٹ: انڈیپنڈنٹ نیوز پاکستان-آئی این پی