پاکستان پیپلز پارٹی کے رکن قومی اسمبلی کا موبائل فون ایک تقریب کے دوران چوری کر لیا گیا۔پولیس حکام کے مطابق ایم این اے سید علی موسی گیلانی کا چوری ہونے والا موبائل فون برآمد کر کے ملزم کو گرفتار کر لیا گیا ، وہ بستی چپرا والا میں کبڈی میچ میں مہمان خصوصی تھے جہاں واردات ہوئی۔واضح رہے کہ رکن قومی اسمبلی موجودہ چیئرمین سینیٹ یوسف علی گیلانی کے صاحبزادے ہیں۔پولیس حکام کے مطابق کبڈی میچ کے دوران رکن قومی اسمبلی کا موبائل فون چوری ہوا، تھانہ بدھلہ سنت پولیس نے چوری کی ایف آئی آر درج کر کے کارروائی کی۔ایم این اے علی موسی گیلانی کو ان کا چوری شدہ موبائل فون حوالے کر دیا گیا۔

کریڈٹ: انڈیپنڈنٹ نیوز پاکستان-آئی این پی