مودی راج میں مسلمانوں کیخلاف انتہاپسندی کا سلسلہ مسلسل جاری ہے۔بھارت میں مسلمانوں کے لیے زمین اسی روزتنگ پڑگئی تھی جس دن نریندرمودی برسر اقتدار آیا تھا۔ نجی ٹی وی کے مطابق 2014سے اب تک لاکھوں معصوم مسلمان مودی کی انتہا پسندی کے زیر عتاب آچکے ہیں۔بھارت میں مسلمانوں کے مقدس مقامات کی بے حرمتی کا سلسلہ کئی دہائیوں سے جاری ہے حال ہی میں مساجد اور مزاروں کو مسمارکرنے کی کاروائیوں میں نمایاں اضافہ دیکھنے میں آیا ہے انتہا پسند پارٹی بی جے پی کی حکمرانی میں ریاست اترا کھنڈ میں ہندو عسکریت پسندوں نے مسلمانوں کے ایک مقدس مزارشریف کو مسمار کردیا ،دیوبھومی رکھشا ابھیان کیایک ہجوم نے ہتھوڑوں،بلڈوزر سے مزار کو مسمار کیا ، ہندوتوا واچ کے مطابق ہندو انتہا پسندوں نے مسلمانوں کے مزارکی بے حرمتی کی اور وہاں پر موجود قبروں کی توڑ پھوڑ کی مزار میں موجودقبروں کو ہتھوڑے سے مسمارکرتے ہوئے شرپسند جئے شری رام کے نعرے بھی لگاتے رہے،مسلمانوں کے مقدس مقامات کو مسمارکرنا اورمسلمانوں پر تشدد، دہشت پھیلانا مودی حکومت کی ایک حکمت عملی ہے، اس طرح کی منصوبہ بندی کا مقصد اس سال ہونیوالے بھارتی انتخابات میں انتہا پسند ہندوں کی حمایت حاصل کرکے بی جے پی کے لیے کامیابی سمیٹنا ہے،ذرائع کیمطابق جے پی کی حکومت میں آنے کے بعد تقریبا ایک ہزار سے زائد مساجد اور دیگر مقدس مقامات مودی جارحیت کا نشانہ بن چکے ہیں،دنیا بھر سے انسانی حقوق کی تنظیمیں اور سیاسی سربراہان بھارت میں مسلمانوں کے حقوق کے لیے آواز اٹھاتے آئے ہیں لیکن مودی سرکار اپنی انتہا پسند روش پر قائم ہے۔

کریڈٹ: انڈیپنڈنٹ نیوز پاکستان-آئی این پی