مریدکے نارووال روڈ پر لدھیکے کے قریب بس اور موٹر سائیکل کے درمیان تصادم کے نتیجے میں ایک نوجوان جاں بحق جبکہ دوسرا شدید زخمی ہوگیا ریسکیو ذرائع کے مطابق جاں بحق ہونے والے نوجوان کی عمر تقریبا 25 سال ہے، تاہم اس کی شناخت تاحال نہیں ہوسکی۔ حادثے میں شدید زخمی ہونے والے دوسرے نوجوان کو ابتدائی طبی امداد کے بعد بے ہوشی کی حالت میں لاہور کے ہسپتال منتقل کردیا گیاحادثے کے بعد بس ڈرائیور گاڑی موقع پر چھوڑ کر فرار ہوگیا۔ نارنگ پولیس نے بس کو اپنی تحویل میں لے کر فرار ہونے والے ڈرائیور کی تلاش شروع کردی ہے جبکہ پولیس کے مطابق واقعے کی مزید تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی