وزیر اعلی پنجاب مریم نواز نے کہا ہے کہ ہمت وحوصلہ کریں توامید کی روشنی یقین کا تمتماتا سورج بن جاتی ہے،مسلم لیگ ن عوام کی امید بن چکی ہے، مشکلات اور چیلنجز کے باوجود امید کا دامن کبھی نہیں چھوڑنا چاہیے۔مریم نواز امید کے عالمی دن پر اپنے پیغام میں کہا کہ ہمت و حوصلہ کریں تو امید کی روشنی یقین کا تمتماتا سورج بن جاتی ہے، امید ایک ایسا جذبہ ہے جو ہمیں آگے بڑھنے کی طاقت دیتا ہے۔وزیر اعلی پنجاب نے کہا کہ امید ہے ان شا اللہ فلسطین اور کشمیر کے عوام پر جلد آزادی کا سورج طلوع ہوگا۔انہوں نے کہا کہ پاکستانی قوم کی امیدوں پر پورا اترنے کیلیے دن رات کوشش کر رہے ہیں، پنجاب کے عوام کو اب صحت کی سہولتیں ملیں گی، ہر بچے کو لیپ ٹاپ، ہونہار اسکالر شپ اور بہترین تعلیم ملے گی۔ان کا مزید کہنا تھا کہ امید ہے کہ پنجاب میں ہر بے گھر کو اپنی چھت کا سکھ ملے گی، پنجاب کا ہر کسان لہلہاتی فصلیں دیکھ کر خوش اور خوشحال ہوگا۔

کریڈٹ: انڈیپنڈنٹ نیوز پاکستان-آئی این پی