نیشنل ڈیٹابیس اینڈ رجسٹریشن اتھارٹی (نادرا) نے ڈیجیٹل پاکستان کی جانب ایک اور انقلابی اقدام اٹھاتے ہوئے شہریوں کی آسانی کیلئے پیدائش اور وفات کے آن لائن اندراج کا آغاز کر دیا۔اقدام سے پیدائش اور وفات کیلئے یونین کونسل کے چکر لگانے والے شہریوں کی مشکل حل ہوگئی ہے ۔نادرا کا کہنا ہے کہشہری اب گھر بیٹھے نادرا کی پاک آئی ڈی موبائل ایپ کے ذریعے متعلقہ یونین کونسل میں پیدائش اور وفات کی آن لائن اندراج کی سہولت سے فائدہ اٹھا سکیں گے۔ابتدائی مرحلے میں یہ سہولت چکوال میں ( 71 یونین کونسلز) ،جہلم میں 44 یونین کونسلز اورننکانہ صاحب میں 65 یونین کونسلز میں متعارف کروائی گئی ہے ۔نادرا کا کہنا ہے کہ مرحلہ وار پروگرام کے تحت بہت جلد یہ سہولت پاکستان بھر میں فراہم کر دی جائے گی۔

کریڈٹ: انڈیپنڈنٹ نیوز پاکستان-آئی این پی