نادرا میگا سینٹرز پر 24 گھنٹے کام کرنے والے والے پاسپورٹ کائونٹرز قائم کر دئیے گئے۔وفاقی وزیر داخلہ محسن نقوی کے احکامات پر عمل کرتے ہوئے محکمہ پاسپورٹس نے کراچی کے علاقے ناظم آباد اور سائٹ میں سیمنز چورنگی پر قائم نادرا میگا سینٹرز میں 10 پاسپورٹ پروسیسنگ کائونٹرز بنا دئیے گئے ہیں۔ شہری نادرا میگا سینٹرز میں بنائے گئے پاسپورٹس پراسیسنگ کاونٹرز سے 24 گھنٹے مستفید ہوسکیں گے۔ڈی جی امیگریشن اینڈ پاسپورٹس مصطفی جمال قاضی کے مطابق 24 گھنٹے کام کرنے والے پاسپورٹس پراسیسنگ کائونٹرز کا دائرہ ملک بھر میں بڑھایا جا رہا ہے۔ اسلام آباد میں قائم دفتر پہلے ہی 24 گھنٹے کام کررہا ہے۔کراچی میں عوامی مرکز اور لاہور میں گارڈن ٹائون کے دفاتر بھی عوام کے لیے 24 گھنٹے کھلے ہیں۔ پاسپورٹس کے اجرا میں تاخیر کا مسئلہ پوری طرح حل کر لیا گیا ہے۔ شہریوں کے لیے آسان پراسس اور بروقت اجرا یقینی بنایا جا رہا ہے۔

کریڈٹ : انڈیپنڈنٹ نیوز پاکستان-آئی این پی