اسلام آباد ہائیکورٹ نے نگران دور حکومت میں الیکشن کمیشن کے حکم پر افسران کے تبادلوں سے متعلق کیس میں درخواست گزار ممبر سی ڈی اے وسیم حیات باجوہ کی جانب اپنی درخواست واپس لے لینے پر خارج کردی۔ عدالت عالیہ کے جسٹس میاں گل حسن اورنگزیب نے درخواست پر سماعت کی ۔ وکیل درخواستگزارعدالت میں پیش ہوئے اور موقف اختیار کیا کہ وسیم حیات باجوہ کیس مزید نہیں چلانا چاہتے کیس واپس لینا چاہتے ہیں. عدالت نے کیس واپس لینے کی استدعا منظور کرتے ہوئے درخواست خارج کردی۔ آئی جی اور ڈی سی اسلام آباد سمیت اہم بیوروکریٹس کے تبادلوں متعلق عدالت نے جواب طلب کر رکھا تھا.الیکشن کمیشن نے مختلف محکموں کے سیکرٹریز اور آئی جی سندھ کے تبادلے کے احکامات جاری کئے تھے. الیکشن کمیشن نے چیف کمشنر اسلام آباد اور ڈپٹی کمشنر کے تبادلے کی بھی سفارش کی تھی

کریڈٹ: انڈیپنڈنٹ نیوز پاکستان-آئی این پی