نگران وزیراعلی بلوچستان کی نامزدگی کا معاملہ ڈیڈلاک کاشکار ہو گیا۔ نامزدگی کا فیصلہ کمیٹی نہ کرسکی تومعاملہ الیکشن کمیشن کے پاس چلا جائے گا۔ اس حوالے سے پارلیمانی کمیٹی بھِی تشکیل نہیں دی جا سکی ، وزیراعلی نے اسپیکر کو پارلیمانی کمیٹی کے لئے تین نام بھجوا دئیے تھے۔ وزیراعلی کے تین ناموں میں خود ان کیعلاوہ سردار عبدالرحمن کھیتران اور زمرک اچکزئی جبکہ اپوزیشن لیڈر کی جانب سے بھجوائے گئے ناموں میں عبدالواحد صدیقی، یونس زہری اور نواز کاکڑ شامل تھے۔ بی این پی اور پی کے میپ کے پارلیمانی رہنماں نے اپوزیشن لیڈر کے ناموں پر اعتراض اٹھا دیا تھا۔ بی این پی کے نصیر شاہوانی اور پی کے میپ کے نصراللہ زیرے نے کمیٹی میں اپنی جماعتوں کی نمائندگی کے لئے اسپیکر کوخط لکھے تھے۔

کریڈٹ: انڈیپنڈنٹ نیوز پاکستان-آئی این پی