سابق سیکریٹری الیکشن کمیشن کنور دلشاد نے کہا کہ اعظم خان کے انتقال کے بعد تمام اختیارات گورنر کے پاس چلے گئے۔ صوبائی اسمبلی موجود نہیں تو نگران وزیراعلی کا فیصلہ سینیٹ کرے گا۔ نجی ٹی وی سے گفتگومیں کنور دلشاد نے کہا کہ نگران وزیراعلی کی نامزدگی کیلیے تین حکومتی اور تین اپوزیشن ارکان پر مشتمل چھ رکنی کمیٹی بنے گی۔ کسی نام پر اتفاق رائے نہ ہوسکا تو معاملہ الیکشن کمیشن کے پاس جائیگا۔ ای سی پی معاملے پر 48 گھنٹوں میں فیصلہ کرے گا۔ سابق سیکریٹری الیکشن کمیشن کا مزید کہنا تھا کہ آئین کے آرٹیکل224 کے مطابق ایک ہفتہ میں فیصلہ کرنا ہوگا، ایک ہفتہ گورنر ہی صوبہ چلائیں گے۔

کریڈٹ: انڈیپنڈنٹ نیوز پاکستان-آئی این پی