نجی ایئر لائن کی پرواز پی ایف 125 سولہ گھنٹے سے زائد تاخیر کے بعد اسلام آباد روانہ ہو گئی۔رپورٹ کے مطابق مسافروں کا کہنا ہے کہ نجی ایئر لائن کی پرواز کو منگل کو سہ پہر 3:45 پر روانہ ہونا تھا۔مسافر کا کہناتھا کہ گزشتہ دوپہر سے ایئر پورٹ پر ہیں، متعدد بار پرواز کا وقت تبدیل کیا گیا، مسافروں کے احتجاج پر رات قریبی ہوٹل میں ٹھہرایا گیا۔انہوں نے کہا کہ نجی ایئر لائن نے بدھ کو صبح 7 بجے روانگی کا وقت دیا تھا۔ مسافر کا کہنا تھا کہ ایئر لائن کی جانب سے پرواز میں تاخیر کی وجہ طیارے میں فنی خرابی بتائی گئی۔

کریڈٹ: انڈیپنڈنٹ نیوز پاکستان-آئی این پی