لاہور ہائی کورٹ نے بیوی کو حق مہر دینے سے متعلق اہم فیصلہ دیتے ہوئے کہا کہ نکاح نامہ میں حق مہر کی ادائیگی کا وقت نہ لکھا ہو تو بیوی کے مانگنے پر مہر دینا ہوگا۔لاہور ہائی کورٹ نے خاتون درخواست گزار کی مہر کی رقم دینے سے متعلق درخواست منظور کرلی۔لاہور ہائی کورٹ نے ٹرائل کورٹ کا بیوی کو مہر کی رقم نہ دینے کا فیصلہ کالعدم قرار دے دیا۔جسٹس عابد حسین نے فاطمہ بی بی کی درخواست پر تحریری فیصلہ جاری کردیا۔لاہور ہائی کورٹ نے نان نفقہ اور جہیز سے متعلق اپیلیٹ کورٹ کا فیصلہ برقرار رکھا۔درخواست گزار نے شوہر سے نان نفقہ، جہیز اور 5 تولہ سونے کے مہر کی وصولی کا دعوی دائر کیا تھا۔

کریڈٹ: انڈیپنڈنٹ نیوز پاکستان-آئی این پی