خون سفید ہوگیا، بیٹے نے پیسوں کے انکار پر باپ پر چھریاں چلادیں،باپ زخمی حالت میں ہسپتال منتقل ہوگیا۔ٹوبہ ٹیک سنگھ کے علاقے گوجرہ میں افسوسناک واقعہ پیش آیا،جہاں تھانہ سٹی کی حدود میں بیٹے نے سفاکی کی انتہا کردی،پولیس کے مطابق ملزم شہباز نے پیسے نہ دینے پر اپنے والد محمد اکرم پرچھریوں سے حملہ کردیا،جس سے ان کے ہاتھ اور ٹانگیں شدید زخمی ہو گئیں۔واقعے کی اطلاع پر ریسکیو 1122 موقع پر پہنچی اور زخمی کو فوری طور پر ٹی ایچ کیو اسپتال منتقل کر دیا،دوسری جانب تھانہ سٹی پولیس نے ملزم کی گرفتاری کے لیے کارروائی شروع کر دی ہے۔

کریڈٹ: انڈیپنڈنٹ نیوز پاکستان-آئی این پی