وزیراعظم کی ہدایت پر پرائم منسٹر یوتھ کونسل کی تشکیل دے دی گئی، جس کی حلف برداری آج (منگل کو) ہوگی۔ تفصیل کے مطاسق وزیراعظم شہباز شریف کی خصوصی ہدایت پر پرائم منسٹر یوتھ کونسل تشکیل دے دی گئی ہے، جو پاکستان کی پہلی نیشنل یوتھ پالیسی تشکیل دے گی۔یوتھ کونسل کے لیے پاکستان سے 100 اور دنیا بھر سے 13 پاکستانی نوجوان منتخب کیے گئے ہیں ۔پرائم منسٹر یوتھ کونسل کے ارکان پالیسی سازی میں بطور وزیراعظم کے مشیر کام کریں گے جبکہ آج28 جنوری کو یوتھ کونسل کی تقریب حلف برادری ہو گی، جس میں وزیراعظم حلف لیں گے۔علاوہ ازیں کونسل کے تحت کلائمیٹ چیمپئنز اور یوتھ ایکسیلنس ایوارڈز بھی دئیے جائیں گے۔ یوتھ کونسل کے ارکان مختلف علمی و عملی سرگرمیوں میں حصہ لیں گے۔

کریڈٹ: انڈیپنڈنٹ نیوز پاکستان-آئی این پی