نگراں وزیر اعظم انوار الحق کاکڑ نے کہا ہے کہ باہمی اعتماد اور اشتراک کے اصولوں کی بنیاد پر پاک چین تعاون کا مستقبل مکمل طور پر روشن ہے، گزشتہ ایک دہائی میں پاکستان کی سماجی و اقتصادی ترقی میں زبردست تبدیلیاں آئی ہیں، ہم ہمیشہ کھلے دل کے ساتھ تمام شراکت داروں کا خیرمقدم کرتے ہیں،تمام خواہش مند چینی کمپنیوں کو یہاں سرمایہ کاری کی دعوت دیتے ہیں۔چائنہ اکنامک نیٹ کے مطابق منگل کی کی صبح پاکستان کے نگراں وزیر اعظم انوار الحق کاکڑ نے بیجنگ کے کیمپنسکی ہوٹل میں پاک چین بزنس فورم میں شرکت کی ۔ اس موقع پر وزیر اعظم نے اپنے خطاب میں کہا کہ چین اور پاکستان بیلٹ اینڈ روڈ انیشی ایٹو اور چین پاکستان اقتصادی راہداری (سی پیک) کی 10 ویں سالگرہ کے موقع پر تقریبات کا سلسلہ منعقد کر رہے ہیں اور انہیں ایسے خاص لمحے میں تیسرے بیلٹ اینڈ روڈ سمٹ فورم میں شرکت کرنے کا اعزاز حاصل ہوا۔ چائنہ اکنامک نیٹ کے مطابق انہوں نے کہا اس منفرد ہمہ جہت شراکت داری کی وجہ سے گزشتہ ایک دہائی میں پاکستان کی سماجی و اقتصادی ترقی میں زبردست تبدیلیاں آئی ہیں۔ ہمارے بنیادی ڈھانچے اور تکنیکی سطحوں نے ہمہ جہت اپ گریڈ کا آغاز کیا ہے ، اور روزگار کے شعبے میں پیش رفت بھی سب کے لئے واضح ہے۔ فی الحال پاکستانی معاشرہ عام طور پر یہ سمجھتا ہے کہ تعاون سے پاکستان میں ترقی اور پیشرفت ہوئی ہے جس سے پسماندگی اور غلط فہمیوں کی وجہ سے پیدا ہونے والے شکوک و شبہات میں کمی آئی ہے۔

فی الحال ہمیں اس بات پر توجہ مرکوز کرنی چاہیے کہ اس ترقی اور پیش رفت کو کس طرح پائیدار رکھا جائے اور اس کے مثبت اثرات اپنے ہمسایہ ممالک جیسے افغانستان اور خطے کے دیگر ممالک تک پھیلائے جائیں۔ چائنہ اکنامک نیٹ کے مطابق وزیر اعظم کاکڑ نے اس بات پر زور دیا کہ پاکستان وسیع تر خطے، خاص طور پر کسانوں کی اکثریت کی فلاح و بہبود میں اضافے کے لئے ترقی کے نئے محرکات پیدا کرنے پر غور کر رہا ہے۔ اس موقع پر چین اور پاکستان دونوں علاقائی تجارت کو مستحکم کرنے، تعاون کے مزید مواقع تلاش کرنے اور درجنوں ممالک کو خدمات فراہم کرنے کے لیے پرعزم ہیں۔ اربوں لوگ ایک بہتر مستقبل تخلیق کر رہے ہیں. اس کے بعد، دونوں ممالک کے درمیان تنوع اور جدت طرازی پر توجہ مرکوز کرتے ہوئے گہرے تعاون پر تبادلہ خیال کریں گی۔ چائنہ اکنامک نیٹ کے مطابق انہو ں نے کہا دونوں فریقوں کے درمیان 2020 کے صنعتی تعاون فریم ورک معاہدے کی بنیاد پر ہم ایک نیا قدم اٹھائیں گے، ہم ہمیشہ کھلے دل کے ساتھ تمام شراکت داروں کا خیرمقدم کرتے ہیں اور تمام خواہش مند چینی کمپنیوں کو یہاں سرمایہ کاری کی دعوت دیتے ہیں۔

کریڈٹ: انڈیپنڈنٹ نیوز پاکستان-آئی این پی