پاک فضائیہ کا گلگت بلتستان کے سیلاب متاثرہ علاقوں میں ریلیف آپریشن مشکل موسمی حالات اور دشوار گزار پہاڑی راستوں کے باوجود جاری ہے۔ پاک فوج کے شعبہ تعلقات عامہ(آئی ایس پی آر) کے مطابق سی-ون تھرٹی طیارے کے ذریعے سات ٹن خشک راشن۔اشیائے خور و نوش اور ادویات گلگت پہنچائی گئیں۔امدادی سامان این ڈی ایم اے کے تعاون سیمتاثرین تک تقسیم کیا جائے گا۔زمینی راستے منقطع ہونے کے باعث پاک فضائیہ نے سامان کی بروقت ترسیل یقینی بنائی۔امدادی ٹیموں نیسیلاب میں پھنسے 75 افراد کو محفوظ مقامات پر منتقل بھی کیا۔ یہ آپریشن افواجِ پاکستان کی ملک گیر ہنگامی امدادی مہم کا حصہ ہے اور قیمتی جانوں کے تحفظ کے عزم کا عملی مظاہرہ ہے۔مزید خوراک،ادویات،شیلٹرز اورطبی امداد بھی متاثرین تک پہنچائی جائیں گی۔آئی ایس پی آر کا کہنا ہے کہ پاک فضائیہ کی بروقت کارروائی گلگت بلتستان کے سیلاب متاثرین کے لئے امید کی کرن ہے اور یہ ہر گھڑی قوم کے شانہ بشانہ کھڑے رہنے کے غیر متزلزل عزم کا اظہار ہے۔

کریڈٹ: انڈیپنڈنٹ نیوز پاکستان-آئی این پی