پاکستان کی کرپٹو سفارت کاری نے عالمی سطح پر مضبوط مقام حاصل کر لیا۔پاکستان نے ورچوئل ایسٹس ریگولیٹری اتھارٹی قائم کر کے کرپٹو اور ڈیجیٹل اثاثوں کی نگرانی اور ریگولیشن کا آغاز کیا، ورچوئل ایسٹس ریگولیٹری اتھارٹی کا قیام پاکستان کے ڈیجیٹل فنانس میں اہم سنگ میل ثابت ہوا۔وزیر مملکت برائے کرپٹو اور بلاک چین بلال بن ثاقب کے مطابق پاکستان کی کرپٹو پالیسی عالمی وژن کی پیروی میں نئے بین الاقوامی اقتصادی مواقع کھول رہی ہے، ہمارے سٹریٹجک بٹ کوائن ریزرو مستقبل میں عملی سرمایہ کاری کی علامت ہے۔فنانشل ٹائمز نے بین الاقوامی سطح پر پاکستان کی کرپٹو توانائی میں تیزی سے پیش رفت اور بڑھتی ہوئی حکمت عملی کو سراہا ہے۔بلال بن ثاقب نے کہا کہ یہ پہچان پاکستان کی کرپٹو میں بڑھتی ہوئی عالمی اہمیت کی عکاسی کرتی ہے، ہم آخرکار فعال شراکت دار کے طور پر عالمی جدت کے میدان میں اپنا مقام حاصل کر رہے ہیں۔خیال رہے کہ پاکستان اور دیگر ممالک، بشمول سوئٹزرلینڈ اور ایل سلواڈور نے بٹ کوائن ریزرو کو قانونی ٹینڈر کے طور پر اپنایا ہے۔

کریڈٹ: انڈیپنڈنٹ نیوز پاکستان-آئی این پی