پارلیمنٹ کے مشترکہ اجلاس میں دو بل پاس کرلیے،منظور ہونے والے بلوں میں تجارتی تنظیمات ترمیمی بل2023اور تجارتی تصفیہ بل 2023 شامل ہیں، اجلاس میں ہزارہ ایکسپریس حادثے، کے پی کے میں پولیس شہدا کے لیے دعا کرائی گئی، تحریک انصاف کے سینیٹر کالی پٹیاں ہاتھ ہر باندھ کر اجلاس میں شریک ہوئے،مشترکہ اجلاس کل بروز بدھ 9آگست تک ملتوی کردیا گیا ۔پیر کو پارلیمنٹ کامشترکہ اجلاس سپیکر راجہ پرویز اشرف کی زیر صدارت پارلیمنٹ ہاوس میں ہوا ۔اجلاس 2بج کر 16منٹ پر شروع ہوا۔اجلاس شروع ہوا تو 50ارکان موجود تھے سپیکر نے کہاکہ تربت میں 7پچیاں ڈوب گئی ہیں، ہزارہ ایکسپریس کے حادثے میں 30افراد جان بحق ہوئے کے پی کے میں پولیس شہید ہوئے ہین ان کے لیے دعا کی جائے مولانا عبدالاکبر چترالی نے دعا کرائی ۔ وزیر تجارت نوید قمر نے تجارت تنظیمات ترمیمی بل 2023ایوان میں پیش کیا ۔ مشتاق احمد نے کہاکہ اس بل میں بار بار ترمیم لائی جارہی ہے جو پارلیمنٹ کا مذاق ہے ۔جو باڈی موجود اس کا حق مار کران کی مدت کم کررہے ہیں۔ نوید قمر نے کہاکہ سب کو ایک پٹڑی پر لانا ہوگا آج نہیں توکل یہ کرنا ہوگا ہم اپنی غلطی ٹھیک کررہے ہیں۔چیمبرز اور فیڈریشن کے الیکشن ایک ساتھ کرنے کے لیے یہ بل لائی ہیں۔عبدالقادر مندوخیل نے کہاکہ بل میں ترمیم کی جائے تاکہ جو لوگ منتخب ہوچکے ہیں ان کو مدت مکمل کرنے دیں۔تجارتی تنظیمات ترمیمی بل 2023ترمیم کے ساتھ پاس کرلیا گیا وزیر تجارت نوید قمر نے تجارت تنازعہ تصفیہ بل 2023ایوان میں پیش کیا ۔ سینیٹر ثانیہ نشتر نے بل میں ترمیم جمع کرائیں مگر سپیکر نے کہا کہ آپ نے وقت پر ترمیم جمع نہیں کرائیں ۔جس پر نہیں لی گئیں ۔بل تجارت تنازعہ تصفیہ بل 2023 کو کثرت رائے سے منظور کرلیا گیا. مشتاق احمد نے کہاکہ اکثریت کا مطلب آمریت نہیں ہے ۔ سینیٹر ثانیہ نشتر کی ترمیم کو لینا چاہیے تھا جس کے بعد سپیکر نے اجلاس کل برو بدھ 9آگست شام 5بج کر 30منٹ تک ملتوی کردیا گیا ۔

کریڈٹ: انڈیپنڈنٹ نیوز پاکستان-آئی این پی