چیئرمین پی ٹی آئی بیرسٹر گوہر نے کہا ہے پی ٹی آئی نے کبھی کسی صوبے پر چڑھائی نہیں کی اور نہ کرے گی،ہم نے مذاکرات میں بہت کوشش کی لیکن کچھ نہیں ہوسکا۔پشاور میں جلسے سے خطاب کرتے ہوئے کہا بیرسٹر گوہر کا کہنا تھا کہ ہری پور الیکشن میں ایک بار پھر ہمیں مایوس کیا گیا، ساتھ ہی واضح کیا کہ ہم اپنی جدوجہد جاری رکھیں گے۔وزیراعلی خیبر پختونخوا سہیل آفریدی کا کہنا تھا کہ کچھ لوگ چاہتے ہیں ملک میں آئین و قانون کی بالادستی نہ ہو ، ہم پرامن رہیں گے لیکن اپنا حق کسی کو کھانے نہیں دیں گے۔ دریں اثنا ایک انٹرویو میں بیرسٹر گوہر نے کہا کہ ہم نے مذاکرات میں بہت کوشش کی لیکن کچھ نہیں ہوسکا، اب مذاکرات کا اختیار عمران خان نے محمود اچکزئی اور علامہ ناصر کو دیا ہے، اگر انہوں نے مجھ سے مذاکرات سے متعلق مشورہ مانگا تو میں ضرور دوں گا۔

انہوں نے کہا کہ محمود خان اچکزئی، علامہ راجہ ناصر کے ساتھ ہمارا الائنس ہے، ہم تحریک تحفظ پاکستان کے ذریعے ہم جدوجہد جاری رکھیں گے۔ چیئرمین پی ٹی آئی کا کہنا تھا کہ مولانا زیرک سیاستدان ہیں ان کو شامل کرنیکیلئے بہت کوشش کی، مولانا ہمارے پاس نہیں آئے، میرا نہیں خیال کہ اب وہ ہمارے پاس آئیں گے تاہم ہم کوشش کریں گے ان کو آن بورڈ کریں۔ بیرسٹر گوہر نے کہا کہ 26 ویں اور 27 ویں آئینی ترمیم کے خلاف ہیں اور آزاد عدلیہ چاہتے ہیں، عمران خان کو آخری سزا 16 جنوری کو ہوئی، جوڈیشل پالیسی کے مطابق 35 دنوں میں فیصلہ ہونا چاہیے تھا مگر 10 ماہ سے زیادہ ہوگئے اب تک ان کا کیس نہیں لگ سکا۔

کریڈٹ: انڈیپنڈنٹ نیوز پاکستان-آئی این پی