پیپلز لبریشن آرمی چائنہ کی جانب سے ہنگامی بنیادوں پر پاکستان کے سیلاب متاثرین کے لئے ریلیف پیکج پہنچا دیا گیا۔تفصیل کے مطابق مشکل کی اس گھڑی میں دوست ہمسایہ ملک چین پاکستان کی مدد کیلئے پیش پیش ہے، پیپلز لبریشن آرمی چائنہ نے ہنگامی بنیادوں پر پاکستان کے سیلاب متاثرین کے لئے امداد بھیج کر دوستی کا حق ادا کیا۔امدادی سامان میں 12000 خصوصی خیمے اور 100 ڈیزل جنریٹرز شامل ہیں، اس کے علاوہ 50 پانی صاف کرنے والے پمپ، 300 سولر پاور سسٹمز بھی امداد میں شامل ہیں۔میڈیکل کیمپ میں مریضوں کو مفت ادویات بھی فراہم کی گئیں، پیپلز لبریشن آرمی ، چائنہ کی جانب سے موصول ہونے والی امداد سیلاب سے متاثرہ علاقوں میں تقسیم کی جا رہی ہے۔سیلاب متاثرین کے لئے یہ ریلیف پیکج پاک چین دیرینہ دوستی اور یکجہتی کی ایک روشن مثال ہے۔

کریڈٹ: انڈیپنڈنٹ نیوز پاکستان-آئی این پی