پنجاب اسمبلی میں اپوزیشن کے 26 ارکان کی معطلی کے معاملے پر مذاکراتی کمیٹی کا تیسرا دور آج (جمعرات )کو ہوگا۔اس حوالے سے پنجاب اسمبلی سیکرٹریٹ نے باقاعدہ نوٹیفکیشن جاری کر دیا ۔ نوٹیفکیشن کے مطابق 19 رکنی مذاکراتی کمیٹی آج مذاکرات کا تیسرا دور کرے گی، مذاکراتی سیشن 4 بجے منعقد ہوگا۔کمیٹی کے ممبران میں وزیر خزانہ مجتبی شجاع الرحمن، وزیر صحت خواجہ سلمان رفیق، سمیع اللہ خان، رانا محمد ارشد، وزیر صنعت چودھری شافع حسین شامل ہیں، سید علی حیدر گیلانی، چودھری افتخار چھچھر، راحیلہ خادم حسین، امجد علی جاوید، احمد اقبال اور شعیب صدیقی بھی کمیٹی کا حصہ ہیں۔کمیٹی میں اپوزیشن کے ملک احمد خان بھچر، اعجاز شفیع، معین ریاض، رانا شہباز، علی امتیاز وڑائچ شامل ہیں۔

کریڈٹ: انڈیپنڈنٹ نیوز پاکستان-آئی این پی