تحریک انصاف کی پنجاب اسمبلی کی پارلیمانی کمیٹی نے صوبائی اسمبلی میں نئے اپوزیشن لیڈر کی نامزدگی کا اختیار پارٹی کی سیاسی کمیٹی کو سونپ دیا۔رپورٹ کے مطابق پنجاب اسمبلی میں اپوزیشن کے 105 ممبر ہیں، ان میں سے 5 نام سیاسی کمیٹی آپس میں مشاورت سے طے کرے گی، پھر ان 5 ناموں میں سے بانی پی ٹی آئی عمران خان بتائیں گے کہ کس کو اپوزیشن لیڈر بنانا ہے۔پنجاب کی پارلیمانی پارٹی نے ڈپٹی اپوزیشن لیڈر کو ہی اپوزیشن لیڈر بنانے کی بھی تجویز دی، پارٹی رہنمائوں نے رائے دی کہ ڈپٹی اپوزیشن لیڈر معین ریاض قریشی کے اپوزیشن لیڈر بنے سے پارٹی متحد رہے گی۔بانی پی ٹی آئی عمران خان کی جانب سے عہدے کے لیے پنجاب اسمبلی سے 5 سینئر رہنماں کے نام طلب کئے گئے ہیں۔ذرائع نے کہا کہ معین قریشی، رانا آفتاب، علی امیتاز وڑائچ، میاں اعجاز شفیع، رانا شہباز اور ندیم قریشی کے نام متوقع طور پر بھیجے جا سکتے ہیں۔

کریڈٹ: انڈیپنڈنٹ نیوز پاکستان-آئی این پی