پنجاب میں پولیس افسروں کی ایڈیشنل آئی جی اورڈی آئی جی کے عہدے پر ترقی دیدی گئی۔ وزیراعلی آفس میں ترقی پانے والے پولیس افسروں کوبیجزلگانے کی تقریب کا انعقاد کیا گیا۔ تقریب میں نگران وزیراعلی پنجاب،چیف سیکرٹری اور آئی جی پولیس شریک ہوئے۔ وزیراعلی محسن نقوی نے گریڈ 21 اور گریڈ20میں پروموٹ ہونیوالے پولیس افسران کو مبارکباد دی۔ ایڈیشنل آئی جی کے عہدے پرترقی پانے والے افسران میں مقصودالحسن،عبدالکریم اورمرزافاران بیگ شامل ہیں۔عمران ارشد،محمدادریس،وقارعباسی اورکامران خان کو بھی گریڈ21میں ترقی ملی۔ 20ویں گریڈمیں ڈی آئی جی کے عہدے پرترقی پانے والے پولیس افسران میں سہیل ظفرچٹھہ، علی ناصر رضوی، محمدایازسلیم شامل ہیں۔اس کے علاوہ وقاص حسن،توصیف حیدر، کیپٹن (ر)لیاقت علی ملک، منتظرمہدی کوبھی گریڈ 20میں ترقی ملی۔ وزیراعلی پنجاب محسن نقوی کا کہنا ہے کہ ترقی پانیوالیافسران اور ان کے اہل خانہ کو مبارکباد پیش کرتا ہوں،ترقی پولیس افسران کا حق ہے جوان تک پہنچایا گیا۔ ترقی پانے والے افسروں سے عوام کی خدمت کی توقع کرتے ہیں۔ چیف سیکرٹری کا کہنا تھا کہ ترقی پانے والے افسران کومبارکباد پیش کرتاہوں اورکامیابیوں کے لئے دعا گوہوں۔ آئی جی پنجاب کا کہنا ہے کہ چیف منسٹراورچیف سیکرٹری نے پولیس افسران کی ترقی کیلئے ذاتی دلچسپی لی۔

کریڈٹ: انڈیپنڈنٹ نیوز پاکستان-آئی این پی