پی ڈی ایم اے پنجاب نے صوبے میں شدید دھند اور اسموگ کا الرٹ جاری کردیا۔ڈی جی پی ڈی ایم اے کا کہنا ہے کہ لاہور سمیت پنجاب کے میدانی اضلاع شدید دھند اوراسموگ کی زد میں آسکتے ہیں،گوجرانوالہ،شیخوپورہ،قصور،ننکانہ صاحب،فیصل آباد،جھنگ،ٹوبہ ٹیک سنگھ شامل ہیں۔پی ڈی ایم اے پنجاب کے مطابق دھند اوراسموگ سیساہیوال، لیہ، کوٹ ادو، ملتان، بہاولپور، رحیم یار خان اور خانپور بھی زدمیں آسکتے ہیں،صوبہ بھرکی انتظامیہ دھند اوراسموگ کی روک تھام کیلئے حکومتی اقدامات پرعملدرآمد یقینی بنانے کی ہدایت کردی گئی ہے۔ڈی جی عرفان علی کاٹھیا کاکہنا ہیکہ اسموگ کے باعث سانس کیامراض اور دیگر بیماریوں کا خدشہ ہوتا ہے،اسموگ کے باعث بچے اوربوڑھے افراد زیادہ متاثر ہونے کے امکانات ہیں،دھند کیباعث سڑکوں پر حادثات میں اضافے کا خدشہ بھی ہے۔پی ڈی ایم اے کاکہنا ہے کہ فصلوں کی باقیات اورکوڑا کرکٹ جلانے پرمقدمہ درج ہوگا،کوتاہی اورغیرذمہ داری برتنے والے افسران کیخلاف کارروائی عمل میں لائی جائے گی،سالڈ ویسٹ، ٹائرز،پلاسٹک، پولی تھین بیگ، ربڑ اور چمڑا جلانے پر پابندی ہے،دھویں والی گاڑیوں اورفیکٹریوں کیخلاف بھی سخت کریک ڈائو ن کیا جائے۔

کریڈٹ: انڈیپنڈنٹ نیوز پاکستان-آئی این پی