مسلم لیگ ن رہنما خرم دستگیر نے کہا ہے کہ اقوام متحدہ کی جانب سے بھارت پر چارج شیٹ جاری کی گئی، بھارتی چہرہ بے نقاب ہو گیا۔ایک انٹرویو میں خرم دستگیر نے کہا کہ اقوام متحدہ کی رپورٹ میں کہا گیا بھارتی شواہد کسی بھی طرح پہلگام واقعہ کو پاکستان سے نہیں جوڑتے، رپورٹ میں بھارتی جارحیت کو مکمل بلاجواز قراردیا گیا۔ان کا کہنا تھا کہ کشمیریوں کا حق ہے کہ وہ بہتر معیار زندگی حاصل کرسکیں، کشمیریوں کو بھی معاشی خود مختاری کا حق ہے، بھارت نے کشمیریوں کے تمام حقوق کی خلاف ورزی کی۔ان کا کہنا تھا کہ ہندوستان مکمل طور پر بے نقاب ہوا ہے، بھارت نے پاکستان کے خلاف برہنہ جارحیت کی مگر پاکستان کو ہر لحاظ سے سفارتی کامیابی حاصل ہوئی، پاکستان کے بھارت کے خلاف مقدمے کو عالمی سطح پر پذیرائی اورتقویت ملی۔

کریڈٹ: انڈیپنڈنٹ نیوز پاکستان-آئی این پی