عالمی منڈی میں خام تیل کی قیمتیں کم ہونے کے باعث پاکستان میں بھی پٹرولیم مصنوعات کی قیمتوں میںکمی کا امکان ہے ۔ذرائع کے مطابق پٹرول اور ڈیزل کی قیمتوں میں 12 روپے فی لٹر کمی متوقع ہے، جبکہ مٹی کے تیل کی قیمت 8 روپے تک اور لائٹ ڈیزل کی قیمت 10 روپے لیٹر تک کم ہونے کا تخمینہ لگایا گیا ہے۔ ذرائع نے بتایا کہ حتمی قیمت 12 تا 14 ستمبر کی عالمی قیمت کے اتار چڑھاو کے مطابق مقرر کی جائے گی، اس کے علاوہ ٹیکس میں اضافہ بھی حتمی قیمت پر اثرانداز ہو سکتا ہے۔واضح رہے گزشتہ عرصے کے دوران تین بار پٹرولیم مصنوعات کی قیمتوں میں کمی کی گئی ہے۔

کریڈٹ: انڈیپنڈنٹ نیوز پاکستان-آئی این پی