پشاور ہائی کورٹ نے پاکستان تحریک انصاف کے رہنما اور قومی اسمبلی میں قائد حزب اختلاف عمر ایوب، سابق اسپیکر قومی اسمبلی اسد قیصر، رکن قومی اسمبلی زرتاج گل اور وزیراعلی خیبرپختونخوا کے بھائی فیصل امین گنڈا پور کی راہداری ضمانت منظور کر لی اور انہیں 10 اکتوبر تک متعلقہ عدالتوں میں پیش ہونے کا حکم دے دیا۔ کیس کی سماعت ہائی کورٹ کے جسٹس شکیل احمد نے کی۔ پشاور ہائی کورٹ نے چاروں رہنماں کی راہداری ضمانت منظور کرتے ہوئے انہیں 10 اکتوبر تک متعلقہ عدالتوں میں پیش ہونے کا حکم دے دیا۔ قبل ازیں، پی ٹی آئی رہنماں کی جانب سے دائر درخواست میں مقف اپنایا گیا ہے کہ اپوزیشن لیڈر عمر ایوب کے خلاف اسلام آباد میں مقدمہ درج کیا گیا ہے۔ مزید کہا گیا ہے کہ اسلام آباد میں جلسہ کرنے پر عمر ایوب، اسد قیصر اور دیگر رہنماں کے خلاف مقدمہ درج کیا گیا ہے۔ درخواست میں مقف اپنایا گیا ہے کہ انتظامیہ نے جلسہ لیٹ کرنے پر پی ٹی آئی رہنماوں کے خلاف مقدمات درج کیے ہیں۔ مزید کہا گیا ہے کہ درخواست گزار متعلقہ عدالتوں میں پیش ہونا چاہتے ہیں، درخواست گزاروں کی گرفتاری کا خدشہ ہے، راہداری ضمانت دی جائے تاکہ عدالت میں پیش ہوسکیں۔ دریں اثنا، زرتاج گل کی جانب سے بھی اسی قسم کی درخواست میں مقف اپنایا گیا ہے کہ زرتاج گل کے خلاف اسلام آباد میں مقدمہ درج کیا گیا ہے، اسلام آباد میں جلسہ کرنے پر زرتاج گل اور دیگر رہنماوں کے خلاف مقدمات درج کئے گئے ہیں۔ مزید کہا گیا ہے کہ آئین ہر سیاسی جماعت کو پر امن جلسے کی اجازت دیتا ہے، انتظامیہ نے جلسہ 2گھنٹے لیٹ کرنے پر پی ٹی آئی رہنماں کے خلاف مقدمات درج کیے۔ درخواست میں مقف اپنایا گیا ہے کہ پی ٹی آئی کے ممبران اسمبلی کو قومی اسمبلی کی حدود سے گرفتار کیا گیا ہے، درخواست گزار کو بھی راہداری ضمانت دی جائے تاکہ وہ متعلقہ عدالت میں پیش ہوسکے۔

کریڈٹ: انڈیپنڈنٹ نیوز پاکستان-آئی این پی