پشاور کے تھانہ ارمڑ کی چوکی ارنڈرو پر دہشت گردوں نے دستی بم سے حملہ کردیا، فائرنگ کے تبادلے میں ایک پولیس اہلکار زخمی ہوگیا، پولیس کی مثر جوابی کارروائی پر دہشتگرد فرار ہونے پر مجبور ہوگئے۔ پشاور پولیس کے مطابق تھانہ ارمڑ کی حدود میں واقع چوکی ارنڈو پر دہشت گردوں نے ہینڈ گرنیڈ سے حملہ کیا، جس میں ایک پولیس اہلکار زخمی ہوا جبکہ پولیس کی بروقت اور مثر انداز میں جوابی کارروائی سے دہشت کرد فرار ہوگئے۔ پولیس نے ملزمان کی گرفتاری کیلئے علاقے میں سرچ آپریشن شروع کردیا ہے۔

کریڈٹ: انڈیپنڈنٹ نیوز پاکستان-آئی این پی