پشاور میں پاک فوج کے زیر اہتمام یوم دفاع و شہدا کی مناسبت سے مختلف اسکولز میں تقاریب کا انعقاد جاری ہے۔یوم دفاع و شہدا کی مناسبت سے پشاور کے مختلف اسکولز (ٹریژر آف نالج سکول سسٹم پشاو، اسلامیہ اسکول اینڈ کالج اور سرحد پبلک اسکول) میں تقاریب کا انعقاد کیا گیا۔تقاریب میں پاک فوج کے آفیسرز اور جوانوں نے شرکت کر کے بچوں کی حوصلہ افزائی کی، بچوں نے پاک فوج کے ساتھ مل کر پرچم کشائی کی اور ملکی سلامتی کیلئے اجتماعی دعائیں کی گئیں۔ طلبا و طالبات نے ملی جذبے سے بھرپور تقاریر، نغمے اور خوبصورت ٹیبلوز پیش کیے، طالبہ کی خوبصورت پرفارمنس، حب الوطنی اور تخلیقی صلاحیتوں کو سراہا گیا۔تقریبات کا اختتام نمایاں کار کردگی دکھانے والے طلبہ میں انعامات کی تقسیم اور پاکستان زندہ باد کے فلک شگاف نعروں کے ساتھ ہوا۔

کریڈٹ: انڈیپنڈنٹ نیوز پاکستان-آئی این پی