محکمہ انسداد دہشتگردی(سی ٹی ڈی )کے اہلکاروں کو دہشتگردوں کے سرکی قیمت کے پیسے نہ ملنے کے معاملے سے متعلق شکایت کرنے والے سی ٹی ڈی اہلکار کا بنوں پولیس میں تبادلہ کردیا گیا۔ ایڈیشنل آئی جی سی ٹی ڈی نے اہلکار کے تبادلے کیاحکامات جاری کیے۔ سی ٹی ڈی اہلکار امان اللہ نے تبادلہ منسوخ کرنے کے لیے آئی جی پولیس کو درخواست دی جس میں اس نے کہا ہے کہ سی ٹی ڈی میں تنخواہ زیادہ تھی اس لیے3 بچوں کو نجی اسکول میں داخل کیا تھا، اب سی ٹی ڈی سے تبادلہ کرنے پر بچوں کو مجبورا اسکول سے نکالوں گا، میرے تبادلیکے احکامات منسوخ کریں، میریبچوں کا مستقبل بچائیں۔ واضح رہے کہ اہلکار نے دہشتگرد کی گرفتاری میں معاونت کے باجود پیسے نہ ملنے پر افسران کو خط لکھا تھا، اہلکار نے لکھا تھا کہ حکومت نے وزیرستان میں دہشتگرد کے سرکی قیمت 10 لاکھ مقررکی تھی، دہشتگرد کیسرکی قیمت کیپیسے ہیڈکوارٹر کو ملے لیکن ہمیں نہیں دیے گئے۔ ایڈیشنل آئی جی سی ٹی ڈی کا کہنا ہے کہ دہشتگردوں کے سرکی قیمت کے پیسے نہ ملنے پر سی ٹی ڈی اہلکار میرے دفترآسکتے ہیں، میں سی ٹی ڈی اہلکاروں کی شکایات کا ازالہ کروں گا۔

کریڈٹ: انڈیپنڈنٹ نیوز پاکستان-آئی این پی