کندیاں میں پتنگ بازی کے جنون نے ایک اور بچے کی جان لے لی، پتنگ اڑاتے ہوئے 10 سالہ بچہ چھت سے گر کر جان کی بازی ہار گیا۔ کندیاں میں پتنگ بازی کرتے ہوئے 10 سالہ بچہ چھت سے گر کر شدید زخمی ہوگیا تھا، زخمی حذیفہ کو ہسپتال لایا گیا مگر وہ جاں بر نہ ہو سکا، بچے کی میت گھر میں آنے پر کہرام مچ گیا۔ خیال رہے کہ پنجاب میں پتنگ بازی پر پابندی عائد ہے جس کے باوجود کندیاں میں پتنگ بازی کا جنون عروج پر ہے، دھاتی ڈوروں اور پتنگوں کی فروخت دھڑلے سے جاری ہے۔

کریڈٹ: انڈیپنڈنٹ نیوز پاکستان-آئی این پی