i پاکستان

رحیم یار خان،کچے میں شہید ہونے والے پولیس اہلکاروں کی نمازجنازہ اداتازترین

August 23, 2024

رحیم یار خان میں کچے میں ڈاکوں کے حملے میں شہید ہونے والے پولیس اہلکاروں کی نمازجنازہ ادا کردی گئی ۔ نمازجنازہ میں وزیر داخلہ محسن نقوی سمیت سول و عسکری حکام شریک ہوئے جبکہ شہدا کے اہل خانہ نے بھی شرکت کی ۔ شہدا کے جسد خاکی قومی پرچم میں لپیٹ کر ایمبولینسز کے ذریعے پولیس لائنز پہنچائے گئے۔ اس سے قبل آئی جی پنجاب ڈاکٹر عثمان انور اور سیکرٹری داخلہ پنجاب نورالامین مینگل شیخ زید ہسپتال رحیم یار خان پہنچے اور ڈاکوں کے حملہ میں زخمی ہونے والے پولیس اہلکاروں کی عیادت کی۔ آئی جی پنجاب نے اس موقع پر میڈیا سے گفتگو کرتے ہوئے کہا کہ پنجاب پولیس کے بہادر جوانوں نے ملک و قوم کے لئے ہمیشہ عظیم قربانیاں پیش کی ہیں، کچہ ایریا اور سرحدی چوکیوں پر دہشت گردوں، ڈاکوں اور شر پسند عناصر کے حملوں کے چیلنجز کا سامنا کیا ہے، پنجاب پولیس کچہ کے ڈاکوں کے خاتمے تک کارروائیاں جاری رکھے گی۔

کریڈٹ: انڈیپنڈنٹ نیوز پاکستان-آئی این پی