چیئرمین پاکستان پیپلز پارٹی بلاول بھٹو زرداری نے رسجا کے نومنتخب عہدیداران کو مبارکباد پیش کرتے ہوئے کا ہے کہ رسجا صحافیوں کے حقوق کی ترجمان اور متحرک تنظیم ہے۔اپنے تہینیتی پیغام میں بلاول بھٹو نے کہا رسجا کی قیادت کے لیے نیک تمنائیں ہیں، مثبت صحافت کا فروغ قابل تحسین ہے، بلاول بھٹو زرداری نے کہا نومنتخب صدر ابوبکر بن طلعت اور جنرل سیکریٹری ارسلان شیرازی کو خصوصی مبارکباد پیش کرتا ہوں ۔ فنانس سیکریٹری ناصر عباس نقوی سمیت تمام نومنتخب عہدیداران کو خراج تحسین پیش کرتا ہوں ۔ریاست کو صحافیوں کو درپیش چیلنجز کا بخوبی ادراک ہے، صحافت کی آزادی اور ذمہ داری کو یکجا کر کے پاکستان کو مضبوط بنایا جا سکتا ہے، بلاول بھٹو زرداری نے کہا امید ہے نئی قیادت صحافی برادری کے اعتماد پر پورا اترے گی ۔رسجا کھیلوں کی صحافت کے فروغ میں نمایاں کردار ادا کر رہی ہے۔

کریڈٹ: انڈیپنڈنٹ نیوز پاکستان-آئی این پی