رواں مالی سال کے پہلے پانچ ماہ کے دوران پاکستان کی غذائی اشیا کی برآمدات میں بڑااضافہ رکارڈ کیا گیا-جولائی تا نومبر کھانے پینے کی اشیا کی برآمدات ستترفیصد اضافے کے بعد 759ارب25کروڑ روپے رہیں جبکہ گزشتہ مالی سال اسی عرصے میں غذائی اشیا کی برآمدات کا حجم 428ارب78کروڑ روپے تھا ۔زرعی ملک پاکستان کا حالیہ برسوں میں کھانے پینے کی اشیا کی درآمدات پر انحصار مسلسل بڑھتا رہا اور اب رواں مالی سال کے پہلے پانچ ماہ کے دوران غذائی اشیا کی برآمدات میں77 فیصد کا اضافہ ہوگیا-ادارہ شماریات کے مطابق رواں سال جولائی تا نومبرچینی کی برآمدات100 فیصداضافے سے 6ارب 15 کروڑ روپے رہیں-رواں مالی سال پانچ ماہ میں 320ارب59کروڑ روپیسے زیادہ کیچاول برآمد کئے گئے اورگزشتہ سال اسی عرصے میں 166ارب72کروڑ روپیکے چاول برآمد کئیگئے تھے- ادارہ شماریات کی رپورٹ کے مطابق رواں مالی سال کے پہلے پانچ میں82 ارب55 کروڑ روپیکے باسمتی چاول برآمد کئے گئے اورگزشتہ سال اسی عرصے میں 51ارب27کروڑ روپیکیچاول برآمد کئے گئے تھے-جولائی تا نومبر46 ارب63 کروڑ روپے سے زیادہ کی مچھلی کی برآمدات ہوئیں جبکہ گزشتہ سال اسی عرصے میں مچھلی کی برآمدات41 ارب 47 کروڑروپے تھیں -رپورٹ کے مطابق رواں مالی سال جولائی تانومبر گوشت کی برآمدات56 ارب32 کروڑروپیرہیں اورگزشتہ سال اسی عرصے میں 35 ارب77 کروڑ روپے کا گوشت برآمد کیا گیا تھا-جولائی تا نومبر 36 ارب 82 کروڑ روپے سے زیادہ کے پھل برآمد کئے گئے اورگزشتہ سال اسی عرصے میں پھلوں کی برآمدات 24 ارب 67کروڑ روپے تھیں۔

کریڈٹ: انڈیپنڈنٹ نیوز پاکستان-آئی این پی