راولپنڈی میں غیرقانونی ہائوسنگ سوسائٹیز کے خلاف آپریشن جاری ہے جس دوران روات میں مزید 16غیرقانونی ہائوسنگ سوسائٹیز کو مسمار کردیا گیا،ڈی جی راولپنڈی ڈیولپمنٹ اتھارٹی کے مطابق غیر قانونی ہائوسنگ اسکیموں کے خلاف آپریشن شہریوں سے فراڈ اور لوٹ مار روکنے کیلئے کیا جارہا ہے، غیر قانونی ہائوسنگ اسکیموں کے مالکان زمینوں پر ناجائز قبضوں میں بھی ملوث ہیں،ڈی جی نے شہریوں کو ہدایت کرتے ہوئے کہا کہ شہری ہائوسنگ اسکیموں میں سرمایہ کاری سے قبل متعلقہ حکام سے رابطہ کریں۔،دوسری جانب آر ڈی اے نے سوشل میڈیا پر غیر قانونی ہائوسنگ اسکیموں کی تشہیر روکنے کیلئے ایف آئی اے کو بھی خط لکھ دیا ہے۔

کریڈٹ: انڈیپنڈنٹ نیوز پاکستان-آئی این پی