ملکی تبادلہ مارکیٹوں میں ڈالر کے مقابلے میں روپے کی قدر میں مسلسل 21 ویں روز بھی اضافے کا رجحان برقرار ہے۔ جمعرات کو کرنسی ڈیلرز کے مطابق آج انٹربینک میں پاکستانی روپیہ کے مقابلے میں امریکی ڈالر کی قدر مزید 98 پیسے گرکر 283.70 روپے پر آگیا۔ دوسری جانب اوپن مارکیٹ میں بھی ڈالر ایک روپے سستا ہوکر 284 روپے پر آ گیا۔ ڈالر کی قدر ساڑھے تین ماہ کی کم ترین سطح پر آگیا۔ قبل ازیں کاروباری دن کے آغاز پر انٹربینک میں ڈالر کی قدر میں ایک روپے کا اضافہ بھی دیکھا گیا، جس سے ڈالر کی قیمت 286 روپے تک پہنچ گیا تاہم بعد میں روپے کی قدر میں دوبارہ اضافہ ہوگیا۔

کریڈٹ: انڈیپنڈنٹ نیوز پاکستان-آئی این پی