اسلام آباد کی مقامی عدالت نے سابق صدر پاکستان عارف علوی کے خلاف اندراج مقدمہ کی درخواست پر تحریری فیصلہ جاری کر دیا۔ایڈیشنل سیشن جج شفقت شہباز راجہ کی جانب سے جاری فیصلے میں کہا گیا ہے کہ اگر کوئی غیر قانونی اقدام ہوا ہے تو ایف آئی اے قانون کے مطابق کارروائی کرے، عدالت نے ایف آئی اے کو معاملے پر ضابطے کی کارروائی مکمل کرنے کی ہدایت دی ہے۔درخواست گزار شہزادہ عدنان نے اپنے وکیل مدثر چوہدری ایڈووکیٹ کی وساطت سے دائر درخواست میں مقف اپنایا تھا کہ عارف علوی نے بیرون ملک اپنی تقریر کے دوران توہین آمیز الفاظ استعمال کیے، اس حوالے سے ایف آئی اے کو مقدمہ درج کرنے کی درخواست دی گئی لیکن کوئی کارروائی نہیں کی گئی۔درخواست میں عدالت سے استدعا کی گئی تھی کہ عارف علوی کے خلاف مقدمہ درج کرنے کا حکم دیا جائے۔

کریڈٹ: انڈیپنڈنٹ نیوز پاکستان-آئی این پی