لاہور ہائیکورٹ نے سانحہ ماڈل ٹاون کیس میں محکمہ داخلہ کو ریکارڈ پیش کرنے کیلئے آخری مہلت دے دی۔ لاہور ہائیکورٹ میں سانحہ ماڈل ٹاون کی جوڈیشل انکوائری کا ریکارڈ فراہم نہ کرنے کے خلاف درخواست پر سماعت ہوئی، جسٹس شاہد کریم نے اظہر صدیق ایڈووکیٹ کی درخواست پر سماعت کی۔ دوران سماعت درخواست گزار نے موقف اپنایا کہ عدالت نے رجسٹرار کو ریکارڈ فراہم کرنے کی ہدایت کی تھی، رجسٹرار نے بیان دیا کہ ہوم ڈیپارٹمنٹ نے ریکارڈ گم کر دیا ہے۔ درخواست گزار نے استدعا کی کہ لاہور ہائیکورٹ سانحہ ماڈل ٹان کی جوڈیشل انکوئری کا ریکارڈ فراہم کرنے کا حکم دے۔ بعدازاں عدالت نے آئندہ سماعت پر ہوم ڈیپارٹمنٹ کو ریکارڈ پیش کرنے کا آخری موقع دے دیا۔

کریڈٹ: انڈیپنڈنٹ نیوز پاکستان-آئی این پی