صدر مملکت ڈاکٹر عارف علوی نے 3ججوں کی تعیناتی کی منظوری دے دی،اعلامیے کے مطابق صدر مملکت جسٹس نعیم اختر افغان کی بطور جج سپریم کورٹ آف پاکستان تعیناتی کی منظوری دی، جسٹس نعیم اختر افغان اس وقت بلوچستان ہائیکورٹ کے چیف جسٹس ہیں۔جسٹس ملک شہزاد کو چیف جسٹس لاہور ہائیکورٹ تعینات کرنے کی بھی منظوری دیدی گئی، جسٹس ملک شہزاد احمد خان اس وقت لاہو رہائیکورٹ کے سینئر ترین جج ہیں۔ صدر مملکت نے دونوں تعیناتیوں کی منظوری آئین کے آرٹیکل 175کے تحت دی۔دوسری جانب بلوچستان ہائیکورٹ کے سینئر ترین جج جسٹس ہاشم کاکڑ کو قائم مقام چیف جسٹس تعینات کردیا گیا، صدر نے قائمقام چیف جسٹس بلوچستان ہائیکورٹ کی منظوری آرٹیکل 196کے تحت دی۔

کریڈٹ: انڈیپنڈنٹ نیوز پاکستان-آئی این پی