صدر مملکت آصف علی زرداری نے پارلیمنٹ کا مشترکہ اجلاس آج ( منگل کو) طلب کیا ہے ۔ ذرائع کے مطابق اجلاس میں صحافیوں اور میڈیا ورکزکے تحفظ کا بل پیش کئے جانے کا امکان ہے۔اس کے علاوہ پارلیمنٹ کے مشترکہ اجلاس میں اقلیتوں کے حقوق کمیشن کا بل، پاکستان اینیمل کونسل کا بل بھی پیش کئے جانے کا امکان ہے۔مشترکہ اجلاس 9 ماہ بعد ہوگاجس میں پیپلزپارٹی کے چیئرمین بلاول بھٹو زرداری اور جمعیت علمائے اسلام کے سربراہ مولانا فضل الرحمن بھی خطاب کریں گے، موجودہ حالات میں اس اجلاس کو اہم قرار دیا جا رہا ہے۔

کریڈٹ: انڈیپنڈنٹ نیوز پاکستان-آئی این پی